سیاسی اتحاد کیلئے مذہبی جماعتیں سرگرم ، سٹیرنگ کمیٹی قائم9 نومبر کو منصورہ میں پھر ملنے کا فیصلہ
اسلام آباد
قائد جمعیت مولانا فضل الرحمان دامت برکاتہم کی سربراہی میں ایم ایم اے میں شامل مذہبی جماعتوں کا سربراہی اجلاس ہوا
اجلاس میں جمعیت علماءاسلام کے مرکزی سیکرٹری جنرل ،ڈپٹی چیئرمین سینٹ مولاناعبدالغفورحیدری مدظلہ،وفاقی وزیرہاؤسنگ اکرم خان درانی ،مرکزی ڈپٹی سیکرٹری جنرل مولاناامجدخان،محمداسلم غوری ،مرکزی ناظم اطلاعات حافظ حسین احمد،صوبائی امیرخیبرپختونخوامولاناگل نصیب خان اورصوبائی امیرپنجاب مولاناقاری عتیق الرحمن ، سینیٹرسراج الحق ، لیاقت بلوچ ،مولاناسمیع الحق ،پیراعجاز ہاشمی ،شاہ اویس نورانی،پروفیسر ساجدمیر،وفاقی وزیر حافظ عبدالکریم ،علامہ ساجدعلی نقوی اجلاس میں شریک ہوئے
اجلاس کے اختتام پر مشترکہ پریس کانفرنس کی گئی
اس موقع پر قائد جمعیت مولانا فضل الرحمان کا کہنا تھا کہ پاکستان میں سیاسی اقتدار کی سربلندی کے لئے دینی جماعتوں کا مشترکہ کوششوں پر اتفاق رائے ہوگیا ہے
اتحاد سے متعلق سٹیرینگ کمیٹی بھی بنا لی گئی ہے،اسٹیئرنگ کمیٹی تمام اتحادیوں کے ساتھ رابطہ جاری رکھے گی 9 نومبر کو منصورہ میں دوسرا اجلاس طلب کرلیا ہے
اسٹیئرنگ کمیٹی میں الحاج اکرم درانی ،لیاقت بلوچ،اویس شاہ نورانی،مولانا یوسف شاہ،مولانا رمضان توقیر،رانا شفیق پسروری شامل ہیں جبکہ رابطہ سیکرٹری مولانا امجد خان ہوں گے۔
اجلاس میں مولانا ابو تراب کے اغواء پر تشویش کا اظہار کیا گیا اور ان کو جلد از جلدبازیاب کرانے کا مطالبہ بھی کیا گیا
اجلاس کے اختتام پر ایک پرتکلف عشائیہ کا بھی اہتمام کیا گیا تھا
