*اسلام آباد: قائد جمعیت حضرت مولانا فضل الرحمان کی اہم پریس کانفرنس*
05 مارچ 2023
Full Unicode
بسم اللّٰہ الرحمن الرحیم
نحمدہ و نصلی علی رسولہ الکریم
میں آپ کا شکرگزار ہوں کہ بڑے مختصر وقت میں ہم نے آپ کو تکليف دی اور آپ تشریف لاٸے ۔
سیاسی صورتحال کی تصویر جس طرح پیش کی جارہی ہے، ہم ہمیشہ اِس ملک کی آٸین اور اپنے ریاست کے ساتھ کھڑے ہیں، ایک سیاسی جماعت کی طور پر نہ ہم ملک میں انتخابات کا انکار کرتے ہیں اور نہ ہی ہماری یہ خواہش ہے کہ نگران حکومتوں کو غیر معینہ مدت کے لیے برقرار رکھا جاٸے، ہم نے ریاست کو درپیش اُس صورتحال کو بھی دیکھنا ہے اور اُن حقائق پر ہم نے آنکھیں بند نہیں کرنی کسی کی سیاسی موافقت یا مخالفت کی وجہ سے، یہاں اسمبلیاں توڑی گٸیں دو اسمبلیاں اِس وقت موجود نہیں ہے، دو اسمبليوں کے ٹوٹنے کا وقت بھی ایک نہیں ہے، دونوں صوبوں کے اسمبليوں کے انتخابی شیڈول بھی یکساں نہیں ہیں، دونوں صوبوں کے انتخابی شیڈول دینے کا اختیار بھی یکساں منصب کے پاس نہیں ہیں اور اِس وقت مردم شماری بھی ہورہی ہے چنانچہ ابھی جب دو صوبوں کا الیکشن ہوگا تو وہ پرانی مردم شماری کی بنیاد پر ہوگا اور آٸندہ جب عام انتخابات ہوں گے جس میں وفاق، پارليمنٹ اور دو صوبوں کے عام انتخابات ہوں گے وہاں مردم شماری کی نوعیت اور ہوگی، ایک ہی ملک کے اندر مختلف صوبوں کے عوام کی نماٸندگی اِس میں کتنا فرق اٸے گا، اُن لوگوں کا کتنا حق مارا جاٸے گا جو اِس وقت پاکستانی شہری بننے جارہے ہیں، ووٹ کا مستحق بننے کی طرف جارہے ہیں، ووٹ کی اندراج کی طرف جارہے ہیں اور ہم نے اُن کو محروم کردینا ہے ۔
کیا اسمبلیاں وزراء اعلی نے توڑی ہیں یا ایک لیڈر کی حکم پر انہوں نے عمل کیا ہے اور اُس کے کہنے پے توڑی گٸیں ہیں اِن حقائق کو بھی ذرا سامنے رکھا جاٸے کہ آٸینی لحاظ سے تو ٹھیک ہیں آپ کہہ سکتے ہیں کہ وزیراعلی نے دستخط کیے ہیں لیکن وزیراعلی جو جس نے حکم دیا ہے وہ بھی پنہاں اور خفیہ نہیں ہے، تو کیا ہم پاکستان کی سیاست اِس طرح کریں گے یہ ہماری اسمبليوں کی خودمختاری اور اُس کے سپرمیسی کی دلیل ہوگی جس طرح کے ہماری اسمبلیاں توڑی گٸی، لیکن ہمیں ضرور اِس بات پر تعجب اور حیرت ہے کہ ہماری سپریم کورٹ نے عدالت عظمیٰ نے از خود نوٹس لے کر کہ انتخابی شیڈول کیوں نہیں دیا جارہا، اے کاش کہ پچیس جولاٸی 2018 کو الیکشن کے نتائج میں جب یہاں اسلام آباد میں الیکشن کمیشن اور سپریم کورٹ دونوں کے دروازوں پر عوام جمع تھیں اور پھر پورے ملک میں اُس الیکشن کے خلاف ملین مارچ ہوٸے، پندرہ دن تک عوام کا ٹھاٹھے مارتے سمندر سڑکوں پہ رہا، آج ہمارا دروازہ کھٹکھٹایا ہے اِس لیے ہم سوموٹو لے رہے ہیں اور اُس وقت جو پورا پاکستان اسلام آباد میں داخل ہوچکا اُس وقت آپ کو اُن کی چیخ و پکار سنائی نہیں دی، یہ کیسے کان ہیں جہاں پندرہ لاکھ عوام کی آواز آپ کو سنائی نہیں دے رہی اور دو تین آدمی آپ کا دروازہ کھٹکھٹاٸے تو اُس کی آہٹ آپ کو سمجھ اجاتی ہے اور آپ اُس کے اوپر سوموٹو کرلیتے ہیں، نوے دن کے اندر اندر الیکشن کرانا ہے یہی سپریم کورٹ تھی جس نے جنرل مشرف کو کہا کہ تین سال کے اندر اندر الیکشن کرانا ہے وہ کس آٸین کا تقاضا تھا جس نے جنرل مشرف کو کہا کہ تین سال کے اندر الیکشن کرانے ہیں، آپ کے پاس وہ بات آن دی ریکارڈ ہے اور آج کہا جارہا ہے کہ نوے دن کے اندر یہ آٸین کا تقاضا ہے، یہی سپریم کورٹ جس کے نظر میں کبھی تین سال آٸین کا تقاضا ہوتا ہے، کبھی وہ آٸین میں ترمیم بھی ایک فرد واحد کو دیتا ہے اور آج اُس کو نوے دن نظر ارہے ہیں جس میں وہ ہر قیمت پر کہتے ہیں کہ آپ نے الیکشن کرانے ہیں ۔
سوال بنیادی یہ ہے کہ عمران خان کی تین ساڑھے تین کی حکومت نے ریاست کو کہاں تک پہنچایا، آج آٸی ایم ایف ہمارا بجٹ بنارہا ہے، آج وہ ہمارے نرخ کنٹرول کررہا ہے، اب عام آدمی کیا جانتا ہے کہ آٸی ایم ایف کے ساتھ کس طرح معاہدات کرکے ہمارے قیمتوں کا اتار چڑھاٶ اُس کے حوالے کردیا گیا ہے، کس طرح ہمارے سٹیٹ بینک کو آٸی ایم ایف کے حوالے کردیا گیا ہے اور وہ اِس وقت پاکستان کے کسی ادارے کے سامنے جوابدہ نہیں ہے، اگر سٹیٹ بینک کا صدر خود اپنی حب الوطنی کی بنیاد پر پاکستان کی ریاست اور حکومت کا احترام کرے اور اُن کی راٸے کو اہمیت دے یہ اُس کا اختیار ہے، نہیں تو اُس پر کوٸی پابندی نہیں، ملک کو وہاں تک پہنچا دینا کہ آج اگر غریب آدمی کو حکومت روٹی مہیا نہیں کرسکتی، پیاز، آلو، ٹماٹر، آٹا مہنگا ہوگیا ہے وہاں پر ہم سے تقاضا کیا جارہا ہے کہ ہم اسی ارب روپے ووٹنگ پرچی کے لیے الیکشن کمیشن کے حوالے کرے، ریاست کو بھی دیکھا جاٸے اور ریاست کے اندر غریب آدمی کو بھی دیکھا جاٸے کہ اُن ساڑھے تین سالہ پالیسیوں کی وجہ سے ہم مسلسل دھنستے چلے جارہے ہیں، حکومت دن رات ایک کیے ہوٸی ہے اور جہاں جاتے ہیں آٸی ایم ایف رکاوٹ بن جاتا ہے، کوٸی ملک ہماری مدد کرنا چاہتا ہے تو یہ اُن کے لیے رکاوٹ بن جاتا ہے تاہم حکومت پاکستان کی یہ خواہش ہے کہ ہم مذاکرات کے ذریعے اور خوش اسلوبی کے ساتھ بین الاقوامی اداروں کے ساتھ معاملات طے کرے، ہم اُن کے ارادوں کو بھی جانتے ہیں ہم اُن کی غلط فیصلوں کو بھی جانتے ہیں، پوری ریجن میں صرف پاکستان کو نشانہ کیوں بنایا جارہا ہے تاہم ہم ایک مثبت انداز کے ساتھ اُن کے ساتھ جارہے ہیں ۔
ایک طرف آپ کہتے ہیں ملک میں بدامنی ہے، ملک کے اندر مسلح گروپ ہیں، روزانہ پولیس کے تھانوں اور چوکیوں پر حملے ہوتے ہیں، میں جس علاقے سے تعلق رکھتا ہوں کم از کم میں اور میرے جیسے بہت سے لوگ اُن علاقوں میں الیکشن کمپٸین میں نہیں جاسکیں گے، کیا آپ کے پولیس میں، نیم فوجی اداروں میں، آپ کے فوجی اداروں میں اِس وقت اتنی سکت ہے کہ وہ ہر پولنگ اسٹیشن کے لی سیکیورٹی مہیا کرسکے، یہ ساری چیزیں وہ ہیں جو ریاست کو درپیش ہیں، اِن چیزوں کو ہم نے ہاٸی لاٸٹ کرنا ہے تاکہ عام آدمی کی ذہن میں یہ بات اٸے کہ نہ ہمیں جمہوریت سے انکار، نہ ہمیں الیکشن سے انکار، نہ ہمیں اِس میں دلچسپی کہ کوٸی عبوری یا نگران حکومت کو طول دیا جاٸے لیکن اِس کے ساتھ ساتھ ریاست کو درپیش صورتحال ہر حوالے سے دیکھنا ہے، مہنگائی کے حوالے سے بھی دیکھنا ہے، پاکستان کے خزانے میں طاقت کتنی ہے، پاکستان کے قانون نافذ کرنے والے ادارے وہ آپ کو کتنا سیکیورٹی مہیا کرسکتے ہیں اور اِس صورتحال میں عدلیہ پر بھی ہمیں حیرت ہے کہ انہوں نے سوموٹو لے کر اپنے آپ سے فارغ ہوگٸے ۔
ایک بات واضح کردینا چاہتا ہوں بہت لوگ مرعوب ہیں اور دباؤ میں بات کررہے ہیں کہ جی دو اور تین کا فیصلہ ہے، ہمارے نزدیک دو اور تین کا فیصلہ نہیں ہے ہمارے نزدیک چار اور تین کا فیصلہ ہے، لہذا یہ پہلو نظرانداز نہیں کیا جاسکتا، ماہرین آٸین و قانون کو میں دعوت دینا چاہتا ہوں کہ وہ اٸیں اور اِس پہلوؤں پر غور کریں، اِس حوالے سے جرات مندانہ راٸے دے کہ جن دو ججوں کی راٸے کو منشن کیا جارہا تھا اِس فیصلے میں، پھر اُس کو تعداد میں شمار کیوں نہیں کیا جاتا، لہذا اِس پہلو کو بھی ہمیں نظرانداز نہیں کرنا چاہیے ۔
تو یہ کچھ گزارشات اور ہماری علم میں یہ بات آٸی ہے سیاسی آدمی دیکھیے معلومات کی بنیاد پر بھی بات کرتا ہے، ادارے اس بات کا نوٹس لے کہ ریٹائرڈ جنرل فیض حمید اور ریٹائرڈ چیف جسٹس ثاقب نثار اِس وقت بھی عمران خان کے لیے لابنگ کر رہے ہیں اور مصروف عمل ہیں، اِس کو نظرانداز نہیں کیا جاسکتا، ادارے فوری طور پر اِس کا نوٹس لے اور اگر ہماری معلومات صحیح ہے تو اُن کو لگام لگاٸے، اُن کو کوٸی حق حاصل نہیں ہے کہ وہ پاکستان کی سیاست میں وقت سے پہلے دخل انداز ہونے کی کوشش کرے، آف دی ریکارڈ کارروائياں جاری رکھیں کیوں ۔
تو یہ کچھ گزارشات آج کے حوالے سے آپ کے سپرد کرنی تھی، اللّٰہ تعالیٰ پاکستان کی حفاظت فرمائے ۔
👈سوال و جواب کا سلسلہ👉
👈صحافی کا سوال:
👈قاٸد جمعیت کا جواب: دیکھیے پراجيکٹ جب ایک دفعہ ختم ہو جاتا ہے اور ناکام ہوجاتا ہے پھر دوبارہ اُس کو اٹھانا کوٸی آسان کام نہیں ہوتا، وہ کہانی ختم ہوچکی ہے، عجیب بات ہے قانون سب کے لیے، قانون کے سامنے سب برابر، لیکن جس وقت قانون اُن کی طرف متوجہ ہو جاتا ہے تو پھر غلط ہوتا ہے، پھر عدالت میں جاتے ہیں کہ قانون میرے خلاف حرکت میں نہ اٸے، مجھے گرفتار نہ کیا جاٸے، آج گھر میں بیٹھے بیٹھے جھوٹ بول رہا ہے کہ میں گھر میں نہیں ہوں، اندازہ لگاٸیں جب وارنٹ پہنچ گٸے تو نہیں ہے اور تھوڑی دیر کے بعد باہر نکل اٸے اور قانون کو روکنے کے لیے اپنے ورکرز کو بٹھایا ہوا ہے، یہ تو ہر پارٹی کرسکتی ہے ہم سے زیادہ پھر تگڑا کون ہے لیکن ہم نے تو کسی بھی زمانے میں گرفتاری کے لیے اسی طرح کے رکاوٹ نہیں بنے ۔
👈صحافی کا سوال: مولانا صاحب عمران خان جب اقتدار میں تھے تو اسٹبلشمنٹ زندہ باد کے نعرے لگاتے رہے ہیں اور اب اُن کو گالیاں دے رہے ہیں اور کل بھی کہا کہ وہ آرمی چیف سے ملنا چاہتے ہیں ۔
👈قاٸد جمعیت کا جواب: ایک شخص کی پہچان یہ ہے کہ وہ صبح کو ایک بات، دوپہر کو دوسری بات تو شام کو تیسری بات، آج ایک بات تو کل دوسری بات کرتا ہے، آج ایک مٶقف تو کل دوسرا ہوتا ہے اور اُن کے پیچھے لگے ہوٸے کچھ احمق وہ ہر بات کو کہ ہاں یہ صحیح کہاں ہے، تو پھر شام کو کہتے ہیں ہاں یہ صحیح کہاں ہے ، کون سی بات اُس کی صحیح ہے، کس نے کہا ہے کہ اِس ادمی کے پاس وژن ہے ، دنیا کا احمق ترین انسان ہوگا جو کہے گا کہ ہاں عمران خان کے پاس کوٸی وژن ہے، ہاں وہاں حماقتیں ہیں، سب کچھ ہیں پر وژن نہیں ہے، عقل نہیں ہے، ہر بات پہ بات بنانا کوٸی سنجیدہ گفتگو کرنے کی توفیق تو ہو ۔
👈صحافی کا سوال: مولانا صاحب جس طرح آپ نے کہا کہ جو فیصلے ہورہے ہیں، ٹرکوں کی باتیں ہورہی ہیں، عدالت کا یہ جو فیصلہ ہے اِس کے بعد آپ کیا سمجھتے ہیں کہ صوبہ پختونخواہ اور پنجاب میں انتخابات ہوں گے ؟
👈قاٸد جمعیت کا جواب: میں نے اپنا مٶقف دے دیا ہے کہ یہ ساری صورتحال ہے باقی انتخاب میں نے نہیں کرانے ہے الیکشن کمیشن نے کرانے ہے، اگر کوٸی گورنر ہے پریذیڈنٹ ہے اُس نے کروانے ہے، یہ بھی پتہ نہیں کہ اُس کے لیے اتھارٹی کون ہے ۔
👈صحافی کا سوال: آپ الیکشن میں حصہ لیں گے ؟
👈قاٸد جمعیت کا جواب: یہ فیصلہ کرنا ابھی باقی ہے ۔
👈صحافی کا سوال: مولانا صاحب عمران خان نے مطالبہ کیا ہے کہ ابھی یہ جو اُن کو گرفتار کرنے کے لیے جارہے ہیں اُس کی لاٸیو کوریج دی جاٸے تاکہ عوام کو بھی پتہ چلے کہ یہ کیس کتنا مضحکہ خیز ہے، آپ کیا کہیں گے ؟
👈قاٸد جمعیت کا جواب: بات صرف توشہ خانہ کی نہیں ہے سیتا واٸٹ کی بھی ہے، فارن فنڈنگ کیس کی بھی ہے، ریاست مدینہ کی بات کررہا ہے معمولی بات نہیں کررہا ہے ریاست مدینہ کی رو سے سیتا واٸٹ کی مسٸلے پر کیا سزا ہونی چاہیے ایک مسلمان اُن سے خوب واقف ہے، جو بلنڈر ہمارے صوبے میں کیے ہیں ملم جبہ والا کیس ہے، بی ار ٹی والا کیس ہے، بلین ٹری والا کیس ہے یہ ساری وہ چیزیں ہیں جن کو مینیج کیا جارہا ہے ، چوری بھی کرتا ہے اور پھر اپنے چوری کے خلاف کیس کو مضحکہ خیز بھی کہتا ہے ایسا انسان آپ نے کبھی نہیں دیکھا ہوگا ۔
👈صحافی کا سوال: مولانا صاحب عمران خان ایک طرف کہتا ہے کہ جیل سے مجھے کوٸی ڈر نہیں لیکن دوسری طرف اگر ایسا کوٸی معاملہ اتا ہے تو فوری طور پر حفاظتی ضمانتیں اجاتی ہے آپ کیا سمجھتے ہیں کس وجہ سے ضمانتیں لے کر اجاتے ہیں اور اوپر سے بیان بازی کرتے ہیں ؟
👈قاٸد جمعیت کا جواب: بس اُن کو کچھ ایک تھوڑی سی سہولت حاصل ہے، جیل جانے کی تو اُس میں ہمت ہی نہیں ہے، سیاستدان کبھی جیل سے اتنا نہیں بھاگتا جتنا وہ بھاگ رہا ہے، اِس حوالے سے وہ کتنا ڈرپوک ہے اور اُس سے جو وابستہ لوگ ہیں میں تو پہلے بھی کہہ چکا ہوں کہ یا وہ لوگ ہیں جن کے تلوے اتنے نازک ہے کہ وہ گرم زمین پر نہیں رکھے جاسکتے یا وہ ایسی تتلیاں ہیں جن کے پَر گرمی میں جلتے ہیں اِس قسم کی مخلوق ملک میں تحریک چلا سکتی ہے، تحریک میں تو آپ چار سو آدمی اپنے ساتھ جمع نہ کرسکے اور پھر بڑی بڑی باتیں کرو اور بیان بازی کرو بس ۔
👈صحافی کا سوال: اچھا مولانا صاحب اک سوال جس کے دو پارٹ ہیں ایک جو نیریٹیو اتحادی گورنمنٹ کا چل رہا ہے اُس سے یہ لگتا ہے کہ اسٹبشلمنٹ جس کا ایک پارٹ عدلیہ بھی ہے اُس میں ڈیویژن ہے ایک ادارہ اگر اے نیوٹرل ہے تو دوسرا آپ کہتے ہیں کہ نہیں، ایک تو اِس کا جواب دے دیجیے اور دوسرا یہ بتاٸیے گا کہ بلوچستان کی جو تقرری ہوٸی ہے کیا آپ لوگ راضی ہیں جو والی خان صاحب کو وہاں پر اپواٸنٹ کیا گیا ؟
👈قاٸد جمعیت کا جواب: دیکھیے ہم نے کبھی تقرریوں کو مسٸلہ نہیں بنایا، میڈیا میں کبھی کبھی سن لیتے ہیں کبھی ہمارے بارے میں بھی کچھ اجاتا ہے لیکن آج تک کوٸی ایسی مشکل سامنے نہیں آٸی ہے مشاورت سے ساری چیزیں ہورہی ہے باقی رہا اداروں کے اندر ڈیویژن کا، جس حوالے سے آپ منشن کررہے ہیں میں اُس حوالے سے بات نہیں کرسکتا لیکن اوور آل ایک تاثر ضرور ہے کہ پہلی مرتبہ پاکستان کی تاریخ میں اسٹبلشمنٹ ہو، سول ملٹری ہو ، عدلیہ ہو مختلف جگہوں میں نظریاتی تقسیم ہوگٸی ہے اور یہ نظریاتی تقسیم انہی کی برکتوں سے ہوٸی ہے اور یہ ظاہر ہے تب ہی ہوتی ہے جب کوٸی بین الاقوامی قوت اُس کے پشت پر ہوتی ہے اور وہاں سے تار ہلاٸیں جاتے ہیں وہاں سے حوصلہ افزاٸی دی جاتی ہے، یہ چیزیں اپنی جگہ پر ایک سوال ضرور ہے جس کے جواب کا میں بھی متلاشی ہوں ۔
👈صحافی کا سوال:
👈قاٸد جمعیت کا جواب: بلکل صحیح ہے میں آپ سے اتفاق کرتا ہوں، میں ایک لفظ کہتا ہوں اور آپ کو یاد ہوگا اُس حکومت میں میں نے جلسوں میں کہا تھا کہ مجھے اب اِس کی فکر نہیں ہے کہ ملک گرگیا ہے مجھے اب اِس کی فکر ہے کہ اِس کے بعد ہم اِس کو کیسے اٹھاٸیں گے، تو آج آپ کو اگر وہ بات یاد ارہی ہے تو اُس کو آپ سمجھے، میں نے یہ کہا کہ ہم دلدل میں پھنسے ہوٸے ہیں دلدل سے آدمی جتنا نکلنے کی کوشش کرتا ہے اتنا ہی اُس میں پھنستا چلا جاتا ہے ہم اِس صورتحال سے وابستہ ہیں اور یہ تمہارے غم کے چراغ ہیں کبھی بجھ گٸے کبھی جل گٸے ۔
👈صحافی کا سوال: مولانا صاحب جیسے آپ نے کہا کہ ہم الیکشن دلدل میں پھنسے ہوٸے تو نہیں جب نون لیگ اور پپلز پارٹی کہتی ہے کہ ہم انتخابات کے لیے تیار ہیں تو اگر وہ لوگ تیار ہیں تو کیا آپ بھی تیار ہیں ؟
👈قاٸد جمعیت کا جواب: میں نے آپ سے کہا کہ ہم تیار ہیں اور ہم نے تو پورا کمپٸین اِس پہ چلایا تھا کہ دوبارہ الیکشن کراو لیکن آج جو ریاست کو صورتحال درپیش ہے وہ میں تفصیل کے ساتھ آپ کے سامنے کہہ دی کہ اِن پہلوؤں پر غور کرنا ضروری ہے ۔
👈صحافی کا سوال: مولانا صاحب ایک تاثر یہ بھی دیا جارہا ہے کہ جمہوری جتنی بھی پی ڈی ایم کی جماعتیں ہیں وہ تو الیکشن کروانا چاہ رہی ہے لیکن جے یو آٸی اِس کی مخالف ہے ایسا کیوں ہے ؟
👈قاٸد جمعیت کا جواب: میں نے اپنا مٶقف بڑے وضاحت کے ساتھ دے دیا ہے میرے خیال میں اِس پر مذید بات کرنے کی ضرورت نہیں ۔
👈صحافی کا سوال: مولانا صاحب آپ بڑے جمہوریت پسند ہے ہر دفعہ اِس سے پہلے بھی تاریخ میں ہم نے دیکھا ہے کوٸی ایسا مسٸلہ مسائل آپ اگے بڑھ کر مذاکرات کے ذریعے سے سیاسی عدم استحکام کو ختم کرتے ارہے ہیں تو اِس دفعہ بھی آپ کوٸی ایسا قدم کیوں نہیں اٹھاتے کہ مذاکرات کے ذریعے سیاسی عدم استحکام کو ختم کرے، ملک کو اگے بڑھاٸیں ۔
👈 قاٸد جمعیت کا جواب: مشکل یہ ہے کہ آج سیاستدانوں میں مفتی محمودؒ نہیں ہے اور اُس کے مقابلے میں ذولفقار علی بھٹو نہیں ہے، مشکل یہ ہے ۔
بہت بہت شکریہ
