اپر کوہستان: قاٸد جمعیت حضرت مولانا فضل الرحمٰن صاحب کا داسو میں جلسہ عام سے خطاب تحریری صورت میں 27 نومبر 2022
خطبہ مسنونہ کے بعد
جناب صدر محترم، حضرات علماٸے کرام، عماٸدین قوم، معزیزین علاقہ، بزرگان ملت، میرے دوستو، جوانو اور کوہستان کے پہاڑوں سے اترے ہوٸے اسلام کے لیے جان فدا کرنے والوں آپ نے جس محبت کے ساتھ اور جس خلوص کے ساتھ کوہستان امد پر ہمارا استقبال کیا ہے ہمیں خوش امدید کہا ہے میں اپنے الفاظ میں شاٸد اِس کے شکریہ کا حق ادا نہ کرسکوں، لیکن میری دعا ہے کہ اللّٰہ رب العزت اپنے خزانوں سے آپ کو اِس خلوص اور محبت کا اجر دنیا میں بھی اور اخرت میں بھی عطا فرماٸے ۔
میرے محترم دوستو! میں بڑے طویل عرصے کے بعد یہاں داسو ایا ہوں اور میں نے اُس زمانے میں بھی یہاں جلسے کیے، اہل کوہستان سے میں نے خطاب کیے، لیکن آج کا اجتماع کوہستان کی پوری تاریخ کا سب سے بڑا اجتماع ہے اور ان شاء اللّٰہ العزیز آپ نے آج عظیم الشان اجتماع کا انعقاد کرکے اسے تاریخ کے صفحات پر ثبت کردیا ہے اور ان شاء اللّٰہ یہ ایک انمٹ مظاہرہ ہے آپ نے جمعیت علماء اسلام سے محبت کا اظہار کیا ہے، اِس محبت کی وجہ اور کوٸی چیز نہیں ہے سواٸے اِس کے کہ آپ کو اسلام سے محبت ہے ۔
میرے محترم دوستو! آپ نے پرچم نبوی کو اٹھایا، اِس کو سربلند کیا، پرچم نبوی کو سربلند کرنے کا معنیٰ اِس کے علاوہ کچھ نہیں ہے کہ آپ کو جناب رسول اللّٰہﷺ سے محبت ہے اور ان شاء اللّٰہ آج ہم ایک بڑے اجتماع میں جہاں کوہستان کے ایک ایک گھر کا نمائندہ موجود ہے، ایک ایک قبیلے کا نمائندہ موجود ہے، ایک ایک علاقے کا نمائندہ موجود ہے آج ہم اِس بڑے اجتماع میں اللّٰہ کو حاضر ناظر جان کر کلمہ شہادت کے ساتھ اِس بات کا عہد کریں گے کہ کوہستان کی سرزمین پر اگر ہمارا تعلق ہوگا، ہماری وحدت ہوگی، ہماری تاٸید ہوگی تو وہ صرف جمعیت علما اسلام کو حاصل ہوگی، کوہستانیوں آپ کی تاٸید حاصل ہے یا بندہ صحراٸی یا مرد کوہستانی، آپ کی زبان ایک ہوتی ہے، آپ کا قول ایک ہوتا ہے، آپ بات کے پکے ہوتے ہیں، آج اتنے بڑے جرگے میں آپ نے ہمارے ساتھ اور جمعیت علماء اسلام کے ساتھ جس تعلق کا اعلان کیا ہے یاد رکھے اِس پر ثابت قدم رہنا آپ کے کوہستانی ہونے کی دلیل ہوگی ۔
میرے محترم دوستو! آج پوری دنیا میں ہر طرف اسلام پر حملے ہورہے ہیں، آج دنیا میں اگر کوٸی مظلوم ہے تو میرا دین اسلام مظلوم ہے، آج مغربی دنیا اسلام پر حملہ اور ہے، آج مسلمان اور مسلمانوں کی قیادت دفاعی پوزیشن میں ہے، ہم اسلام کی ہمیشہ وہ تعبیر کرتے ہیں جو مغرب کے لیے قابل قبول ہو، مغرب نے ہمیشہ اُن قوتوں کو سپورٹ کیا، اُن کو طاقت دی جو اسلام کا خاتمہ چاہتے ہیں، اسلام ہمارے لیے ایک مشکل نظام بن گیا ہے، میرے دوستو آج ہم نے ثابت کرنا ہے کہ اسلام رحمت کا نظام ہے، اسلام محبت کا نظام ہے، اسلام انسانی حقوق کے تحفظ کا نظام ہے، اسلام معاشی استحکام کا نظام ہے، اسلام معاشرے کے عزت و ابرو کا نظام ہے، اسلام میرے گھر کی حیا ہے، میرے ماحول کی عزت ہے، میرے معاشرے کی عزت ہے، اور ان شاء اللّٰہ اِس دین اسلام کی تحریک کو کوہستان کی پہاڑیوں سے اٹھاٸیں گے، اِن پہاڑوں سے اٹھنے والی تحریک ایک سیلاب بن کر اٹھے گی اور ان شاء اللّٰہ العزیز پورے ملک پر چھا جاٸے گی ۔
میرے محترم دوستو! اگر اسلام نہیں ہے تو پاکستان نہیں بچ سکتا، ہماری تحریک پاکستان کی بقا کی تحریک ہے، پاکستان کی سالمیت کی جنگ ہے اور آپ اِس ملک میں دیکھ رہے ہیں کہ کس طرح پاکستان کے بنیادوں کو کھوکھلا کیا جارہا ہے، میں دعوے کے ساتھ کہتا ہوں اور کوہستان کے اِن غیور مسلمانوں کی تاٸید کے ساتھ کہتا ہوں کہ اگر اسلام کو نقصان پہنچتا ہے تو پاکستان کا اٸین ختم ہو جاتا ہے اور اٸین نہیں رہے گا تو پھر پاکستان کی ریاست بھی باقی نہیں رہ سکے گی، اٸیے مل کر ایک زبان ہوکر ایک قوت ہوکر جمعیت علماء کی پلیٹ فارم سے اسلام کی سربلندی کی جنگ لڑیں گے، اٸین کی تحفظ کی بھی جنگ لڑیں گے اور پاکستان کے ریاست کی بقا اور سالمیت کی بھی جنگ لڑیں گے (نعرہ تکبیر اللّٰہ اکبر کا نعرہ) ۔
میرے محترم دوستو! آپ کو اِس بات پہ نظر ہوگی آج کل میڈیا کا دور ہے اور سوشل میڈیا کے کردار کی وجہ سے تو بچہ بچہ پاکستان کے حالات کو جانتا ہے کس طرح پاکستان میں سیاسی افراتفری مچاٸی گٸی، میرے دوستو دو ہزار اٹھارہ میں الیکشن ہوٸے دھاندلی کے ذریعے ایک جعلی حکومت ملک پر مسلط کی گٸی اور ملک میں سیاسی عدم استحکام اگیا، پارليمنٹ پر اعتماد نہ رہا، حکومت پر اعتماد نہ رہا، اداروں پر اعتماد نہ رہا، اور ایک انتقامی سیاست ملک میں شروع ہوٸی، سیاستدانوں کو جیلوں میں ٹھونسہ گیا اور ایک ایسی افراتفری کے جس کے نتیجے میں معاشی عدم استحکام اگیا، اِن کی توجہ اپنے مخالفين کے خلاف انتقام پر تھی، سواٸے انتقام کے، مقدمات داٸر کرنے کے، سیاستدانوں کو جیل میں لے جانے کے ، نیب کے ادارے کو ناجائز طور پر استعمال کرنے سے اِن کو فرصت ہی نہیں ملی اور نتیجہ یہ نکلا کہ ملک کی معشیت بیٹھ گٸی اور ظاہر ہے کہ جہاں ملک کی معشیت بیٹھ گٸی اور ہم دنیا میں ایک دیوالیہ ریاست بننے کے کنارے کھڑے ہوگٸے، ہمارا ملک دیوالیہ پن کے قریب ہوگیا، بلیک لسٹ ہوگیا اور قریب تھا کہ دنیا پاکستان کا باٸیکاٹ کرلیتی ضروری تھا کہ اِس اقتدار سے قوم کو آزاد کیا جاٸے ۔
میرے محترم دوستو! جس حکومت کو ہم نے ہٹایا ہے یہ صرف حکومت کو نہیں ہٹایا ہم نے ملک کو بچایا ہے،کہتا ہے میرے خلاف سازش ہوٸی ہے، بابا سازش نہیں ہوٸی ہے ہم نے ڈنکے کی چوٹ پر آپ کو نکالا ہے، ہم نے تمہیں گریبان سے پکڑ کر اقتدار کے ایوان سے باہر نکالا ہے، آج تمہیں آزادی یاد اگٸی مجھے تمہاری آزادی معلوم ہے کس بات کی آزادی چاہتے ہو، آزادی کی تحریک نہیں اوارگی کی تحریک ملک کے اندر چاہتے ہو، بے حیاٸی اور فحاشی چاہتے ہو، تمہارے جلوسوں اور دھرنوں میں بے حیاٸی کی جو نماٸشین ہوا کرتی ہیں اِس نمائش کے بعد بھی کیا قوم اندھی ہے، کیا قوم بات کو نہیں سمجھتی، آزادی چاہتے ہو یا آزادی کے نام پر اوارگی چاہتے ہو، ان شاء اللّٰہ کوہستان کے لوگوں آپ حیا کے لوگ ہیں، عزت کے لوگ ہیں، آپ کے گھروں میں حیا ہے، آپ کے ماحول میں حیا ہے، تم بڑوں کی عزت جانتے ہو، نوجوان بڑوں کی عزت جانتا ہے، بڑے بزرگوں اور نوجوانوں میں ایک رشتہ قاٸم ہے وہ آپ کے اسی رشتے کو ختم کرنا چاہتے ہیں، جوانوں کو بزرگوں سے باغی کرنا چاہتے ہیں، آپ کے خاندانوں کو توڑنا چاہتے ہیں، آپ کے خواتين کو بے حیاٸی کی طرف رغبت دینا چاہتے ہیں، اپنے گھر سے باہر نکل کر وہ ایک مادر پدر آزاد معاشرہ بنانا چاہتے ہیں، لیکن ان شاء اللّٰہ کوہستان کے لوگوں ہم نے اپنے گھروں کی عزت کی حفاظت کرنی ہے، بیٹیوں اور بہوٶں کی عزت کی حفاظت کرنی ہے، ماوں اور بہنوں کی عزت کی حفاظت کرنی ہے، اپنے نوجوان کو اسلام کا راستہ دکھانا ہے، ہم نے اپنے نوجوان کو اقدار کا راستہ دکھانا ہے، اپنے عزت و ابرو کا راستہ دکھانا ہے، اپنے بزرگوں کے ساتھ اُن کی تابعداری میں چلنا اور فرمانبرداری میں چلنے کا راستہ دکھانا ہے ۔
جمعیت علماء اسلام آج اِس محاذ پر ایک جنگ لڑ رہی ہے، مغربی تہذیب کے خلاف جنگ لڑ رہی ہے، اسلامی تہذیب کی جنگ لڑ رہی ہے ، اِس تہذیب کو غالب اور باقی رکھنے کی جنگ لڑ رہی ہے، میرے بھاٸیو مجھے سب سے زیادہ توقع آپ سے ہے کہ اسلامی تہذیب کی اِس جنگ میں، مغرب اور مغرب کے سوچ کے خلاف اور اقدار کے خلاف آپ ہیں جو ایک صف کھڑے ہوکر جمعیت علما اسلام کی طاقت بنیں گے (نعرہ تکبیر اللّٰہ اکبر) ۔
میرے محترم دوستو! صرف یہ نہیں کہ سیاسی عدم استحکام پیدا کیا، صرف یہ نہیں معاشی طور پر ملک کو دیوالیہ کردیا، پاکستان کا جو اخری حصار ہے اخری حصار وہ ہماری دفاعی قوت ہے آج اُس قوت کو تقسيم کرنے اور اُن کو اپس میں لڑانے کی سازش کی ہے، اگر مل کو تباہ کرنے کے خلاف کوٸی سازش ہے اُس سازش کا نام عمران خان ہے اور کوٸی نہیں ہوسکتا، ہم ان شاء اللّٰہ اِن سازشوں کو ناکام بنارہے ہیں، ہم نے ملک کے اندر سیاسی استحکام آپ کو شکست دی ہے، کل اُن کا بھی جلسہ پنڈی میں ہوا تھا کہتا ہے اسلام اباد اوں گا پھر کیوں نہیں اٸے، کہہ رہا ہے میں اتا تو تباہی مچ جاتی، تباہی کس کی مچ جاتی تباہی تو تمہاری ہی مچ جاتی، پھر ذرا اکر تو دکھاو، دس لاکھ لوگوں کو اکھٹا کروں گا اور پھر مشکل سے دس ہزار تک ہی اکھٹا کرسکے، اور وہ بھی کون وہ بھی درجہ چہارم ملازمين جن کی چھٹی تھی اُن سب پر لازم تھا کہ جلسے میں جاٸے، چھ ہزار عام وردی میں پولیس کو پابند بنایا گیا تھا اور جو کمی رہ گٸی تھی تو محلے کے خاکروبوں کو اٹھاکر لے گٸے، جلسہ اِس کو کہتے ہیں یہ جلسہ ہے، یہ عوام کا جلسہ ہے، یہ پبلک کا جلسہ ہے ۔
ایک گولی لگی ہے اور ایسا بھاگا ہے کہ اب اپنے گھر میں بھی بلٹ پروف شیشے لگوا رہا ہے، بابا حملے ہم پر بھی ہوٸے ہیں تین خودکش حملے ہوٸے ہیں لیکن آج بھی پبلک کے سامنے کھلے میدان میں کھڑا ہوں، میں آپ کے ایمان کو جانتا ہوں کہ ایک فاٸر پہ آزادی کے میدان سے بھاگتا ہے میں اِن کے بھاگنے کی رفتار کو جانتا ہوں، ہمارے ساتھ مقابلہ نہ کرو، ہمارے ساتھ آپ کے باپ دادا فرنگی نے پنگا لیا تھا کیا حال اُن کا ہوا تھا، اُن کو وطن سے بھگایا تھا اور تمہیں اقتدار سے بھگایا ہے اور جب تک زندہ رہیں گے ان شاء اللّٰہ پاکستان میں یہو د یوں کو جگہ نہیں دیں گے، اسرا ٸیل کو جگہ نہیں دیں گے، قا د یا نیوں کو جگہ نہیں دیں گے، اور اٸین کے اُن اسلامی دفعات جن کی تم ختم کرنے کی کوشش کررہے ہو اور اُن کے لیے راہیں ڈھونڈ رہے ہو ان شاء اللّٰہ ہم یہ راستہ آپ کو نکالنے نہیں دیں گے (نعرہ تکبیر اللّٰہ اکبر) ۔
ہمیں آپ کا ایجنڈہ معلوم ہے تم نے پاکستان میں وہ حالات پیدا کرنے کی کوشش کی کہ کس طرح اسرا ٸیل کو تسليم کیا جاٸے، ہم نے آپ کے ایجنڈے کو ناکام بنایا ہے، ہمیں تو تمہارا ایجنڈہ معلوم ہے کہ قا دیا نی جسے پارلیمنٹ نے غیر مسلم اقلیت قرار دیا اسے دوبارہ مسلمانوں کے صف میں شامل کیا جاٸے ہم نے تمہارے اِس ایجنڈے کو ناکام بنایا ہے، ہمیں تمہارا ایجنڈہ معلوم ہے کس طرح تم نے ناموس رسالت کے قانون کو ختم کرنے کی کوشش کی لیکن ان شاء اللّٰہ نہ آپ سے ہوسکا اور نہ ہم کسی کو کرنے دیں گے ۔
تو میرے دوستو! تو کیا کیا روٸے ہم اِن کا، ہم تو انتقام نہیں لے رہے، نیب کو تو تم نے استعمال کیا، اُن کے ذریعے تم نے مقدمے بناٸے، تم نے سیاستدانوں کو گرفتار کیا اور تمہارا منشور ایک ہی تھا کہ سب کو بس چور چور چور کہو، اگر ہم انتقام لیتے تو ہم نیب کی قانون میں تبدیلی نہ کرتے، ہم نے نیب کے قانون کو تبدیل کیا، اُس کے اندر جو غیر قانونی اور انسانی حقوق کے منافی دفعات شامل تھے وہ ختم کیے، اگر ہم انتقام لیتے تو پھر اُس کو اسی طرح ہی رکھتے نا، اُس وقت کہہ رہا تھا اسٹبلشمنٹ کا نیب سے کوٸی سروکار نہیں، کوٸی لینا دینا نہیں، آج کہہ رہا ہے کہ نیب تو اسٹبلشمنٹ کے قابو میں ہے ، پہلے کہتا تھا یہ چور ہے یہ چور ہے، پھر کہتے ہے مجھے تو پتہ نہیں تھا مجھے تو اٸی ایس اٸی والے کہتے تھے کہ یہ چور ہے یہ چور ہے تو میں اُن کے خلاف کیس داٸر کرتا تھا، تو آج اٸی ایس اٸی کیسے خراب ہوگٸی، آج وہ فوج کیوں خراب ہوگٸی، آج تمہارے پشت سے ہاتھ اٹھالیا تو اب گنہگار ہوگٸے، جو فوج تمہارے ساتھ تھی تمہارے پشت پہ کھڑی تھی اور اُن پر تنقيد ہورہی تھی تو باجوہ بھی ٹھیک تھا جسے لوگ نکے دہ ابا کہتے تھے، آج جب ابا نے نکے کو عاق کردیا ہے تو ہم کیا کرسکتے ہیں، اب چیخ رہا ہے فوج اور اسٹبلشمنٹ نے میرے ساتھ کیا، یہ جو تم نے کیا آج مکافات عمل ہے اور تم اب ان شاء اللّٰہ العزیز بند گلی میں چلے گٸے ہو، تمہارے پاس نکلنے کا کوٸی راستہ نہیں ہے، کبھی دھمکی دیتا ہے ہم استعفے دے دیں گے، تو تم نے استعفے دیے تھے پھر تم لوگ اسمبلی میں واپس اٸے یا نہیں، ہم تو یہ سمجھتے ہیں کہ تم استعفے دوگے تو ملک کا نظام تم سے پاک ہو جاٸے گا ”خس کم جہاں پاک“ ۔
دھمکی کس چیز کی دے رہے ہو صرف ملک میں عدم استحکام لانے کے لیے کہ پاکستان میں سیاسی طور پر شورش رہے، ایک ملک مستحکم سیاسی نظام کی جنگ ہم لڑرہے ہیں، تمہارا ایجنڈہ نامکمل ہوگیا، تم ملکی معشیت کو تباہ کرنا چاہتے تھے ہم نے بیچ سے اُس کو بچالیا، آج ہم بہتری کی طرف جارہے ہیں، آج بین الاقوامی اداروں نے پاکستان کو گرے لسٹ سے نکال کر واٸٹ لسٹ پہ ڈال دیا ہے، اُس کا رخ اب صحیح ہوگیا ہے، آج جمعیت علماء کی برکت سے حکومت نے اعلان کردیا کہ ہم وفاقی شرعی عدالت کے اُس فیصلے پر عمل درامد کریں گے جو سود کے خلاف دیا ہے اور پاکستان میں سود سے پاک معشیت کو نافذ کریں گے ۔
آج تو ایک قومی حکومت ہے، تمام پارٹیاں اُس میں شامل ہیں، سب سمجھتے ہیں کہ یہ ایک ہے جو ملک کو تباہ کررہا ہے اب اِس کو نکالنا ہے ملک کو بچانا ہے، آپ کے گاٶں پر خدانخواستہ کوٸی اگ لگتی ہے تو آپ سب ملک کر اُس کو بچاتے ہیں یا نہیں، کوٸی یہ پوچھتا ہے کہ تمہارا مذہب کیا ہے، تمہاری پارٹی کون سی ہے تب میں اگ بجھاوں گا، نہیں بلکہ سب مل کر بجھاتے ہیں ۔
کوہستان کے میرے بھاٸیوں میں اُن حالات کا مکمل ادراک بھی رکھتا ہوں، احساس بھی ہے کہ اِس وقت سیلاب سے آپ کس قدر متاثر ہے، میں یہاں کے حالات سے صبح و شام اپنے آپ کو اگاہ کرتا رہا ہوں، ہمارے کچھ ساتھی مجھے معلوم ہے دو جگہوں پہ پھنس گٸے تھے اور اُن کو فوری طور پر نکالنے کے لیے ہم نے اقدامات کیے اور الحَمْدُ ِلله ہم نے اُن کو وہاں سے نکالنے کا انتظام کیا تھا، ان شاء اللّٰہ یہ رسول اللّٰہﷺ کی سنت ہے کہ جب قوم پر کوٸی مشکل وقت اٸے تو آپ اُن حالات میں اُن کی مدد کرے، اللّٰہ تعالیٰ ہمیں توفيق عطا فرماٸے، ہم یہ نہیں کہتے کہ ہم نے حق ادا کردیا ہے لیکن جو اللّٰہ نے استطاعت دی اُس کے مطابق پورے ملک میں کام کیا ہے اور جن لوگوں کو اللّٰہ نے توفيق دی اللّٰہ اُن کو بھی قبول فرمائے ، یہ قومی اور ملکی مسٸلہ ہوتا ہے، وبا اتی ہے یہ انسانی مسٸلہ ہوتا ہے، اگ لگتی ہے یہ انسانی مسٸلہ ہوتا ہے، زلزلہ اتا ہے یہ انسانی مسٸلہ ہوتا ہے، سیلاب اتے ہیں یہ انسانی مسٸلہ ہوتا ہے اور ہم نے انسان کو انسان سمجھا یہ نہیں دیکھا کہ یہ ہند وں، سکھ، عیساٸی ہے تو ہم اِن کے مدد کو نہیں پہنچے گے، ہم نے جس طرح اپنے مسلمان بھاٸی کو نکالنے کے لیے اپنے کارکن جونکے ہیں وہاں غیر مسلموں کے لیے بھی یہی کردار ادا کیا ہے ۔
تو میرے محترم دوستو! ان شاء اللّٰہ ہم جنگ لڑرہے ہیں دین اسلام کی سربلندی کی جنگ، اعلاں کلمتہ اللّٰہ کی جنگ، اٸین کی اسلامی دفعات کی جنگ اور اُس کے اسلامی حیثیت کی دفاع کی جنگ، خوشحال معشیت اور انسانی حقوق کی جنگ، اُن کے جان مال اور عزت و ابرو کے حقوق کی جنگ لڑرہے ہیں اور ہم نے ایک قوم بن کر ایک جماعت بن کر اُس کے لیے جدوجہد کرنی ہے اور ان شاء اللّٰہ اِس میدان میں فتح کے جھنڈے گاڑنے ہیں، آپ ساتھ ہوں گے نا، کوہستان کے لوگوں پورے ملک میں تحریک آج آپ کے اِس جلسے سے اگے بڑھے گی اور اِس ملک میں کامیابی ہم حاصل کریں گے ۔
تو میرے محترم دوستو! وقت گزر رہا ہے کچھ ساتھیوں نے عصر کی نماز نہیں پڑھی ہوگی مجھے اُس کا احساس ہے، میں چاہتا ہوں کہ آپ سے ملاقات بھی ہوگٸی اور بہت زمانے کے بعد ہوگٸی، بھرپور ہوگٸی اور اللّٰہ کا شکر بھی ہم ادا کرت ہیں اور مجھے اِس کا بھی احساس ہے کہ آپ لوگوں کی نماز ضاٸع نہ ہو، اللّٰہ رب العزت ہمارے اِس اجتماع کو قبول فرماٸے، اِس میں ہماری شرکت کو قبول فرماٸے، اِس راستے میں جو ہم نے خرچ کیا اُس کو قبول فرماٸے اور جب ہم واپس ہو تو اللّٰہ تعالیٰ ہمیں اپنے حفظ و امان میں اپنے گھروں تک حفاظت کے ساتھ پہنچاٸے، اللّٰہ تعالیٰ اِس کو قبول فرماٸے
وٰخِرُ دَعْوَانَا أَنِ الْحَمْدُ لِلّٰهِ رَبِّ الْعٰلَمِیْنَ۔
ضبط تحریر: #سہیل_سہراب
ممبر ٹیم جے یو اٸی سوات
