عظمت اسلام و استحکام پاکستان کانفرنس مانسہرہ سے قاٸد جمعیت حضرت مولانا فضل الرحمٰن صاحب کا خطاب تحریری صورت میں 26 نومبر 2022
خطبہ مسنونہ کے بعد
جناب صدر محترم، اکابر علماء کرام، عماٸدین قوم، معزیزین علاقہ، میرے بزرگوں، جوانوں، میرے دوستو اور بھاٸیو! میرے لیے اعزاز بھی ہے اور سعادت بھی کہ آج مانسہرہ میں اہل ہزارہ کے اِس بڑے اجتماع سے ایک بار پھر مخاطب ہونے کی سعادت حاصل کررہا ہوں ۔
میرے محترم دوستو! یہ سرزمین اپنی ایک تاریخ رکھتی ہے، اِس سرزمین نے ہمیشہ حق کے پرچم کو سربلند رکھا ہے اور شہداٸے بالاکوٹ اِس سرزمین کی قربانیوں کی تاریخ کی شاہد عدل ہے، جمعیت علماء اسلام آپ کی اواز ہے، آپ کی حقوق کی اواز ہے، پاکستان میں اسلام کی سربلندی، انسانی حقوق کا تحفظ اور خوشحال معشیت یہ ہمارا بنیادی ہدف رہا ہے، یہ ہمارے منشور کی اساس رہا ہے اور آج جب اِس ملک میں سب سے پہلے سیاسی عدم استحکام پیدا کیا گیا، سیاسی افراتفری ملک میں پیدا کی گٸی اور پھر جب دو ہزار اٹھارہ میں دھاندلی کے ذریعے ایک جعلی حکومت ملک پر مسلط کی گٸی اُس کے نتیجے میں معاشی عدم استحکام ایا، پاکستان پوری دنیا میں نہیں اِس خطے میں بھی ڈوب گیا، معشیت کی کشتی غرقاب ہونے لگی اور پھر پاکستان کو بچانے کا مسٸلہ پیدا ہوا، آج آپ دیکھ رہے ہیں شاٸد آپ کو اُس کا احساس نہ ہو لیکن ہم ایک بڑے بحران سے نکلے ہیں، سیاسی عدم استحکام کے بعد معاشی عدم استحکام اور پھر آپ کے دفاعی نظام کو کمزور کیا گیا، ہماری دفاعی قوت پاکستان کی تاریخ میں منقسم نظر اٸی آج ہم اُس بحران سے بھی نکل چکے ہیں، آپ اندازہ نہیں لگاسکتے کہ ہم نے درحقیقت ریاست پاکستان کی بقا، اُس کی سالمیت اور اُس کی حفاظت کی جنگ لڑی ہے اور آپ کی دعاٶں سے ہم نے اُس جعلی اقتدار کا بھی خاتمہ کیا اور پاکستان کو معاشی بنیاد کو بھی ایک کامیاب سفر پر روانہ کردیا، وہ پاکستان جو اٸی ایم ایف اور مالیاتی اداروں میں بلیک لسٹ ہونے کے کنارے کھڑا تھا، دیوالیہ ہونے کے کنارے کھڑا تھا اور ممکن تھا کہ عنقریب دنیا میں مالیاتی لحاظ سے بلیک لسٹ قرار دیا جاتا، دیوالیہ قرار دے دیا جاتا نہ کوٸی ملک آپ کو قرضہ دیتا، نہ کوٸی ملک آپ کو امداد دیتا اور افریقہ کے گٸے گزرے صحراٸی ملک کی طرح پاکستان کی حیثیت بن جاتی، لیکن آج اِن چھ مہینوں میں پاکستان واپس گرے لسٹ سے بین الاقوامی اداروں نے واٸٹ لسٹ میں تبدیل کردیا ہے، ہماری حالت بہتری کی طرف دنیا نے تسلیم کرلی ہے اور ظاہر ہے ملک دلدل میں تھا اور دلدل سے نکلنا مشکل کام ہے کوٸی اسان کام نہیں ہے، آپ کے روپے کی قیمت ڈالر کے مقابلے میں دو سو پچاس تک پہنچ گٸی تھی آج وہ واپس ارہی ہے، سرمایہ کاری کا راستہ بند ہوگیا تھا، غیر مسلم دنیا میں چین ہمارا قریب ترین دوست تھا اور ہے، مسلم دنیا میں سعودی عرب ہمارا قریب ترین دوست ہے، ہم نے اپنے دونوں دوستوں کے اعتماد کو ختم کیا، آج ہم ایک کا بھی اور دوسرے کا بھی اعتماد حاصل کررہے ہیں، صرف اِس بات پر امادہ کرنے کے لیے کہ وہ پاکستان میں سرمایہ کاری کرے، لیکن ہمیں یہ نقصان کیوں اٹھانا پڑا، آپ نے دیکھا آپ ہی تو راستہ ہے، ہزارہ ہی تو اُس عظیم شاہراہ کا راستہ ہے جسے ہم شاہراہ ریشم کہا کرتے تھے اور آج ہم اُس کو سی پیک کہہ رہے ہیں، ایک بین الاقوامی تجارتی شاہراہ جس کے لیے ہم نے بیس سال محنت کی اور جب ہم اِس بات کے قریب پہنچ گٸے کہ پاکستان میں سرمایہ کاری کا اغاز ہو، جب دو ہزار چودہ میں چین کا صدر ایک میگا پیکج کے ساتھ پاکستان ارہا تھا تو اسلام اباد میں ایک سو چھبیس دن کا دھرنا دے کر انہوں نے چین کے صدر کا راستہ روکا اور پاکستان ک اندر ایک بڑی سرمایہ کاری کو مٶخر کردیا، آج انہوں نے لانگ مارچ کے فیصلے کیے کیا لانگ مارچ ہے روزانہ ایک فر لانگ چلتے ہیں اور اُس کو لانگ مارچ کا نام دیتے ہیں یہ فر لانگ مارچ ہے اور جونہی سعودی عرب کے ولی عہد نے اسلام اباد اترنے کا اعلان کیا تو انہوں نے بھی کہا کہ ہم اکیس نومبر کو اسلام اباد میں داخل ہوں گے اور نتیجہ یہ ہوا کہ انہوں نے اپنا دورہ منسوخ کیا، کیا کیا نقصانات انہوں نے پاکستان کو نہیں پہنچاٸیں، کونسا موقع ہے جب اِس وطن عزیز پر ضرب لگانے کا موقع ملا اور انہوں نے نہیں لگایا، پی ڈی ایم کی حکومت پہ اعتراض کرتے ہو بلکل آپ کو حق ہے اگر ہماری کمزوری ہے اُس کو اجاگر کرنے پر ہم شکریہ ادا کریں گے لیکن مہربانی کرو ایک درخواست تو ہماری سن لو کہ ذرا اپنے ساڑھے تین سال کی کارکردگی تو لوگوں کے سامنے بیان کرو، ایک کارکردگی تو دنیا کو بتا دو، پوری دنیا کی کتنی پاکستان میں میگا پراجیکٹس تھے، بڑی بڑی سرمایہ کاریاں تھی اُن سب کو فریز کیا یا نہیں کیا، تم تو پاکستان کے کاروبار کو ہمارے گلی کوچے کے کاروبار پہ لے اٸے، ماٸیکرو لیول کا کاروبار، ماٸیکرو لیول کے کاروبار میں کیا ہوتا ہے آپ کے بازار کے اندر جو پرچون کی دکان تو ہوتی ہے اُس پہ جو خرید و فروخت ہوتی ہے اُس کو ماٸیکرو لیول کا کاروبار کہتے ہیں مرغیوں کا کاروبار، انڈوں کا کاروبار، کٹے کا کاروبار آپ تو ملک کو اِس معشیت پہ لے اٸے، ہمیں پوری دنیا سے آپ نے کاٹ دیا تھا ۔
تو میرے محترم دوستو! میں نے خود اُن کے ایک انتہائی قریب ترین اور وفادار جو اُن کے کرتوتوں سے باغی ہوگیا تھا میری کوٸی ملاقات اُس سے نہیں تھی، لیکن میں جب اُن کو ٹی وی پر انٹرویو دیتے ہوٸے سنا کہ فضل الرحمٰن سے تو میری کوٸی ملاقات نہیں ہوٸی ہے اور وہ جب اُس کو بیرونی ایجنٹ کہتا ہے تو مجھے اُس سے بھی اختلاف تھا، لیکن آج سوچتا ہوں کہ ملک کو اِس قدر گرانا یہ بیرونی ایجنڈے کے بغیر ہو نہیں سکتا، یہ تمہارے لوگ نے بات کی، تمہارے گھر سے تم پر شہادتیں اٸی ہیں ۔
اگر فارن فنڈنگ کیس کا مسٸلہ ایا اور تم نے بیرونی امداد کو چھپایا میں نے آپ پر الزام نہیں لگایا، کسی دوسری پارٹی نے آپ پر الزام نہیں لگایا، آپ کے پارٹی کے اندر سے تمہارے ایک بانی رکن نے کہا فارن فنڈنگ ہوٸی ہے اور آپ کے اپنے لوگ الیکشن کمیشن میں گٸے اور الیکشن کمیشن نے کہا کہ آپ چور ہے، ہم نے نہیں کہا ایک ادارے نے کہا آپ چور ہے، آپ کا منشور کیا ہے صرف ایک کہ اپنے مخالف کو چور چور چور کہتے رہو، اِس کے علاوہ کوٸی کارکردگی نہیں، دوسروں کی مخالفت پر سیاست کی عمارتیں کھڑی نہیں ہوتی، اپنی بنیاد بتاو کیا ہے، کیا ثابت نہیں ہوا کہ تم نے اسرا ٸیل سے مدد لی ہے، کیا ریکارڈ کے اوپر سامنے نہیں ایا کہ تم نے امریکہ سے مدد لی ہے، کیا ثابت نہیں ہوا کہ تم نے انڈ یا سے مدد لی ہے، اور انڈ یا میں ایک تجزیہ نگار جو خود ٹی وی پر اعتراف کرتا ہے کہ عمران خان ہم نے آپ کی مدد کی، ہم نے آپ کے لیے پیسے اکھٹے کیے یہ تم نے کیا کردیا ۔
تم لوگوں سے کیا کیا چھپاوگے اگر ہماری بات کوٸی نہیں مان رہا تھا ہم نے اِس کی پرواہ نہیں کی کہ ہمارا دعوی مقبول نہیں ہے چوں کہ مقبول نہیں اِس لیے ہم اپنے دعوے سے پیچھے ہٹ جاٸے ہم پیچھے نہیں ہٹے، ہم نے یہ بات امانت سمجھی کہ جو حق ہے اور جو سچ ہے وہ قوم کی امانت ہے ہر حالت میں قوم کے سامنے رکھے، ہم نے اپنی سیاسی مفاد کو نہیں دیکھا، ہم نے اقتدار کے مفاد کو نہیں دیکھا، ہم نے حقائق کو دیکھا اور وہ قوم کے سامنے رکھے اور ان شاء اللّٰہ گلی گلی ہمارے اِس حقائق کو تسلیم کیا جاٸے گا ۔
میرے محترم دوستو! ہم نے اِس ملک کو چلانا ہے، اِس ملک کو بچانا ہے ان شاء اللّٰہ سیاسی استحکام بھی اٸے گا، معاشی استحکام بھی اٸے گا اور کہا جاتا ہے کہ پاکستان میں ایک قومی حکومت ہونی چاہیے ملک کی معشیت اِس حد تک تباہ ہوچکی ہے کہ ایک پارٹی اب اُس کو نہیں سدھار سکتی، معشیت کو بہتر نہیں کرسکتی، میں اُن قوتوں کو بتانا چاہتا ہوں انتہائی ادب و احترام کے ساتھ کہ پاکستان میں قومی حکومت ہی تو موجود ہے، ملک کے اندر آج ایک قومی حکومت ہے، سب اکھٹے ہیں، نظریاتی طور پر ایک دوسرے کے مخالف، منشور ایک دوسرے سے جدا لیکن ملک ایک ہے اُس پر متفق، معشیت ہمارا مسٸلہ ہے غریب ہمارا مسٸلہ ہے اُس پر ہم متفق ہے، لہذا اِس قومی حکومت میں اگر کوٸی نہیں ہے تو وہ ایک ہی نہیں ہے جو اِس سارے گند کا ذمہ دار ہے، جو اِس ساری تباہی کا ذمہ دار ہے، عمارت میں تخریب کرنے والے کو عمارت کی تعمیر میں حصہ نہیں دیا جاسکتا، لہذا آج ایک قومی سوچ کے ساتھ ملک اگے بڑھ رہا ہے اور اُسی قوم سوچ کی برکت ہے کہ پاکستان کی دفاعی قوت تنازعے سے بچ گٸی، ایک متفقہ قیادت دوبارہ وجود میں اگٸی، پاکستان کی دفاعی قوت پاکستان کی بقا کے لیے اخری حصار ہے، میری پارٹی میں کوٸی نہ رہے کچھ لوگ چلے جاٸیں ہم برداشت کرلیں گے لیکن ہمیں اپنے فوجی قیادت سے ہزار اختلاف کے باوجود ہم اِس کو پاکستان کا اخری سمجھتے ہیں ہم اِن کے توڑنے اور باہمی تقسیم کو برداشت نہیں کرسکتے، اختلاف راٸے کریں گے، اختلاف راٸے کیا ہے ، بڑی جرات کے ساتھ کیا ہے ، ہم جیسے جرات کے ساتھ موقف پیش نہیں کیا جاسکتا، ہم نے امریکہ کے خلاف بات کی، اُن کی سیاست کے خلاف بات کی، افغا نستا ن میں اُس کے جارحیت کے خلاف بات کی اور آج بھی اپنے موقف پر قاٸم ہے، لیکن میں آپ سے پوچھنا چاہتا ہوں کہ جس دن ہم نے آپ کو اقتدار سے الگ کیا اور آپ نے ایک کاغذ لہرایا کہ یہ ہمارے خلاف امریکہ نے سازش کی ہے آج وہ کاغذ کدھر ہے، جھوٹ پر کتنے دن سیاست کروگے، ہمارے پشتون کہتے ہیں کہ جھوٹ کے پاوں نہیں ہوتے، کہہ رہا ہے میرے خلاف سازش ہوٸی ہے کس نے کی ہے اور اب کہہ رہا اِس بات کو چھوڑ دے اسے بھول جاٸے یہ بات گزر چکی ہے، وہ امریکہ جس نے میرے خلاف سازش کی تھی اُن کے ساتھ صلح چاہتا ہو اور اگر میری حکومت اٸی تو امریکہ کے ساتھ میری بہترین دوستی ہوگی، صبح کو ایک بات، دوپہر کو کوٸی دوسری بات، شام کو ایک نیا شوشہ اور یہ بیوقوف اسے ایسی خوشی سے سنتے ہیں کہ واہ واہ عمران خان کیا کہہ رہا ہے، اب اِن کے ساتھ کیا کرے، اِن حالات کا مقابلہ کرنے کے لیے ایک بات کی ضرورت ہے اور وہ ثابت قدمی ہے، وہ بات کرے جس پر آپ مطمٸن ہو کہ میں سچ بول رہا ہو، اور پھر سب کو چور چور پکارنے والے کو ادارے نے خود کہہ دیا کہ توشہ خانہ سے گھڑیاں چوری کی ہے ۔
میرے محترم دوستو! دوسروں کو چور کہنے والا اپنے توشہ خانہ سے بادشاہوں کی دی ہوٸی تحفے چوری کرتا ہے، گھڑیاں چوری کرتا ہے، میں تو الزام نہیں لگا رہا ہوں اداروں کے فیصلے ہیں، عدالتوں کے فیصلے کہہ رہے ہیں، تو سب کچھ سامنے اٸے گا، ہم تو انسان ہے اور انسان ذرا کچھ جلد باز پیدا ہوا ہے اور انتظار زیادہ نہیں کرسکتا، لیکن اللّٰہ رب العالمین اپنے حساب سے اپنے وقت پے فیصلہ کرتا ہے، وقت اگیا ہےکہ حقائق سامنے ارہے ہیں، تو دوسروں پر الزام مت لگاو، اپنی کارکردگی دکھاو اپنے ساڑھے تین سالہ دور حکومت پر بات کرو، اگر ہمت ہے تو میدان میں او ۔
میرے محترم دوستو! جمعیت علماء اسلام اِس حکومت کا حصہ ہے تاکہ ملک کو بحران سے نکالنے میں ہم کردار ادا کرسکے اور الحَمْدُ ِلله آپ لوگ قاٸدانہ کردار ادا کررہے ہیں، آج پہلی مرتبہ ہوا کہ وفاقی شرعی عدالت نے جب فیصلہ دیا کہ سود کا خاتمہ ہو تو کچھ چیزوں پر الجھنیں تھیں اُس کو بنیاد بناکر سٹیٹ بینک اف پاکستان اور نیشنل بینک اف پاکستان اور کچھ لوگ بھی اِس پر نظرثانی کے لیے عدالت چلے گٸے لیکن ہم نے موقف اختیار کیا کہ اب عدالت کے فیصلے پر عمل ہونا چاہیے ، اپیلیں واپس لینی چاہیے اور الحَمْدُ ِلله گورنمنٹ نے اعلان کردیا کہ دونوں بینک نظر ثانی کی اپیل واپس لیں گے، اب کچھ اور لوگ ہیں جن کی اپیلیں ابھی تک ہیں لیکن جس وقت سرکار کی بینکوں نے اپیلیں واپس لے لی اور تیس نومبر کو کراچی میں ایک بہت بڑا قومی سطح کا سیمینار ہورہا ہے جس کی دعوت حضرت مولانا محمد تقی عثمانی صاحب نے دی اور پاکستان کے جو فیڈریشن ہیں پاکستان فیڈریشن، چیمبر اف کامرس اُن کے لوگ اِس میں اکھٹے ہورہے ہیں ان شاء اللّٰہ اُس میں جو تجاویز اٸے گی اگلے اقدامات کے لیے رہنمائی ملے گی وہ پاکستانی معشیت کو اسلامی خطوط پر استوار کرنے میں ان شاء اللّٰہ العزیز مددگار ثابت ہوں گی ۔
تو میرے محترم دوستو! ہمارے ملک کو مغربی تہذیب کے طرف دھکیلا گیا ہے، ہمارے نوجوان کو مادر پدر آزاد بنادیا گیا، اباواجداد کا باوقار، معزز و محترم تمدن اُس سے باغی بنادیا گیا، ہم نے اُس کو واپس لانا ہے آپ نے واپس لانا ہے، اپنے نوجوان کو سمجھانا ہے، اُس کے محلے، گھر اور حجرے میں آپ نے جانا ہے اور اُس کو اپنے معاشرے کی طرف واپس لانا ہے، بے حیاٸی اور فحاشی، کہتے ہیں آزادی مارچ، کوٸی آزادی مارچ نہیں ہے آوارگی مارچ ہے، آوارگی کو آزادی کہا جاتا ہے، جو جمعیت نے کہا آزادی مارچ تو تم بھی ہماری نقالی کرو، نقالی سے بچو، یہ حقیقی آوارگی مارچ ہے، بے حیاٸی اور فحاشی کے مناظر کنٹینر پر دکھاٸی جارہے ہیں اور اُس کے اوپر لکھا ہوتا ہے امر بالمعروف و نہی عن المنکر، لاحولہ ولا قوة الا باللّٰہ، ننگا تڑنگا شحخص بازار سے گزر رہا ہے اور تختی لٹکاٸے لوگوں سے کہہ رہ ہے حیا کرو (إِنَّا لِلّهِ وَإِنَّـا إِلَيْهِ رَاجِعونَ) ۔
یہ معاشرہ ہمیں دینا چاہتے ہیں، ہم نے اپنے اکابرین سے سبق لیا ہے، ہمیں اپنے اکابر و اسلاف نے یہ جماعت عطا کی ہے، اِس کا نظریہ عطا کیا ہے، اِس نظریے کے لیے کام کرنے کا رویہ عطا کیا ہے اور ہم ایک اسلامی طرز حکومت اور اسلامی تہذیب کی جنگ لڑرہے ہیں، تو یاد رکھو ہم نے جو پرچم نبوی بلند کیا ہے جناب رسول اللّٰہﷺ کی طرف جس پرچم کی نسبت ہوگی پھر وہ جماعت قرآن و سنت کے حوالے سے ایک موقف اختیار کرے، مغربی تہذیب کے مقابلے میں اسلامی تہذیب کے حوالے سے موقف اختیار کرے اور پھر اُن سے پیچھے ہٹ جاٸے ان شاء اللّٰہ العزیز یہ ممکن نہ ہوگا ۔
یہ ملک ہمارا ہے اگر گاٶں میں کسی کے گھر پر اگ لگ جاٸے تو کسی نے نہیں پوچھنا کہ یہ جمعیت کے گھر پر لگی ہے ، پی پی یا پی ٹی اٸی والے کے گھر پر لگی ہے سارا گاٶں اٹھتا ہے اور اُس اگ کو بجھاتا ہے ، آج پاکستان کی تمام سیاسی جماعتيں ایک پلیٹ فارم پر متحد ہے ایک حکومت میں شامل ہے اور اِس ملک کو بچانا ہے اگے ترقی کی طرف لے جانا ہے، اِس کے تحفظ کے لیے ہم نے قربانیاں دینی ہے اور
ان شاء اللّٰہ ہم کامیابی کی طرف جاٸیں گے، ہم نے اِن کے اقتدار کا بھی خاتمہ اور اِن کی جو چھوٹی موٹی ہلچل ہے اُس کا بھی خاتمہ کریں گے، ایسا سیلاب لے کر انا ہے کہ تنکے کو بھی بہاکر لے جاٸے، اِن کا نشان نہیں چھوڑنا، اور اِس ملک سے وفاداری کرنی ہے ، اپنے عقیدے اور نظریے سے وفاداری کرنی ہے، ہم پاکستان میں اسرا ٸیل کے ایجنڈے کو کامیاب نہیں ہونے دیں گے، ہم پاکستان میں قاد یا ن کے عقیدے اور نظریے کو کامیاب نہیں ہونے دیں گے، یہ ایجنڈہ فیل ہوچکا ہے اور میں آپ کو مبارکباد دیتا ہوں کہ یہ ایجنڈہ جمعیت علما اسلام کی قیادت اور اُس کے پرچم تلے قوم کی تاٸید کے ساتھ اور اللّٰہ کی مدد سے ناکام ہوا ہے ان شاء اللّٰہ ۔
تم چاہتے ہو کہ پاکستان ہو اور اُس میں اسرا ٸیل کا پرچم بلند کیا جاٸے تمہاری مت ماری جاچکی ہے، تمہاری عقل کہاں چلی گٸی ہے، تمہیں یہو دیو ں کا فکر ہے تمہیں صہیو نیوں کا فکر ہے، تمہیں اسرا ٸیل کا فکر ہے تمہیں فلسطین کا فکر کیوں نہیں، تمہیں وہاں کے مسلمانوں کا فکر کیوں نہیں، تمہیں وہاں کی آزادی کا فکر کیوں نہیں، تم نے موضوع کیوں تبدیل کردیا، ہمارا موضوع ایک ہی ہے کہ سرزمین فلسطین اہل فلسطین کی ہے، ہمارے مسلمان بھاٸیوں کی ہے، مسجد اقصٰی اِس پر پہلا حق مسلمانوں کا ہے، اگر کوٸی کہتا ہے کہ مسجد اقصٰی پر حق یہو د یوں کا ہے وہ پرلے درجے کا جاہل ہے اِس سے اور کوٸی جاہل ہو نہیں سکتا، یہ نظریہ باطل ہے اسلامی تاریخ اِس پر گواہ ہے اگر اِس پر یہو د یوں کا حق ہے تو حضرت عمرؓ کو کیا پڑی تھی کہ انہوں نے جاکر بیت المقدس کو فتح کیا، اگر اِس پر یہو د یوں کا حق ہے تو صلاح الدین ایوبی کو کیا پڑی تھی کہ انہوں نے جاکر بیت المقدس پر قبضہ کیا اور فتح کیا ۔
تو ہماری تاریخ یہ ہمارے پاس ورثہ ہے اب ہم نے اِس کا تحفظ کرنا ہے، اپنی تہذیب کا تحفظ کرنا ہے، اپنی تاریخ کا تحفظ کرنا ہے، آزادی آزادی کی بات مت کرو، آزادی کی باتیں وہ کرے، آزادی کی بات کرنا اُن کا حق ہے جن کا سلسلہ نسب شاہ ولی اللّٰہ سے ملتا ہو، یہ حق اُن کو حاصل ہے جن کا شجرہ نسب شہداٸے بالاکوٹ سے ہو، یہ حق اُن کو حاصل ہے جو شاہ عبدالعزیز سے نسبت رکھتے ہیں، یہ حق اُن کو حاصل ہے جن کی نسبت قاسم العلوم و الخیرات کی طرف ہے شیخ الہندؒ کی طرف ہے، اِس پایہ پے ہم آزادی کو اپنی تاریخ سمجھتے ہیں، اِس طرح نسبت پیدا کرلو پھر آزادی آزادی کی بات کرو، غلام کے بچوں، غلام کی اولاد غلام کی اولاد ہمارے سامنے آزادی کی بات کرتے ہیں، آوارگی کی اولاد ہو تم اور بات آزادی کی کرتے ہو، میں تمہارے خاندان کی وہ باتیں نہیں چھیڑنا چاہتا کہ جو دنیا میں آوارگی کی بنیاد اور علامت بن گٸی ہے کیوں کہ اُن چیزوں سے مجھے بھی شرم اتی ہے کہ میں بات کروں، تو تم نے کیے اور تمہیں اُس پہ شرم نہیں ارہی میں کہتا ہوں تو مجھے حیا ارہی ہے، معاشرے کی وہ شرافت کہاں گٸی، معاشرے کے وہ اقدار، تمہاری مثال اُس مرغی کی ہے جو گند بھی چگتی ہے اور چونچ بھی اونچی رکھتی ہے، یہ تمہاری حیثیت ہے گند بھی چگتے ہو اور چونچ بھی اونچے رکھتے ہو یہ تمہاری سیاست ہے ۔
ان شاء اللّٰہ العزیز ہم اِس ملک میں ایک باوقار نظریاتی سیاست کرنا چاہتے ہیں، قومی وحدت کی بات کرتے ہیں، نہ ہم نے آج تک فرقہ واریت کو حوصلہ دیا اور نہ ہی ہم نے اُن پر تشدد پیدا کرنے کی کوشش کی، شدت، فرقہ واریت، انتہا پسندی کی سیاست ہو جمعیت علماء اسلام نے اعتدال اور محبت، رواداری اور غریب انسان کی سیاست کی ہے ۔
میرے محترم دوستو! میں جب سرزمین ہزارہ کی بات کرتا ہوں تو اگر آج کی اِس اجتماع میں اُس کا تذکرہ نہ کرو اور اُس پر میں اللّٰہ کا شکر ادا نہ کرو تو شاٸد کمی رہ جاٸے گی، ضلع مانسہرہ اور اِس کے بڑے بڑے خاندان، بڑی بڑی شخصیتیں جمعیت علماء اسلام میں اٸی ہے جس سے جمعیت علما اسلام کی کمر مضبوط ہوٸی ہے اور میں اللّٰہ سے دعا کرتا ہوں کہ یہ رفاقت یہ اِس نعرے، اِس پرچم، اِس جماعت اور اِس نظریے کی تقویت کا باعث بنے اور میں اُن کو خوش امدید کہتا ہوں، دلی خوشی کا اظہار کرتا ہوں، ان شاء اللّٰہ پوری ثابت قدمی کے ساتھ اگلا سفر جاری رکھیں گے، اللّٰہ کی مدد سے جاری رکھیں گے، مستقبل کی طرف دیکھیے، ہم نے کام کرنا ہے اور اِس پرچم کو بلند رکھنا ہے، منزل کو حاصل کرنا ہے، اللّٰہ ہمارا حامی و ناصر ہو ۔
واخر دعوان ان لحمد للّٰہ رب العالمین
ضبط تحریر: #سہیل_سہراب
ممبر ٹیم جے یو اٸی سوات
