اسلام آباد ۔
پرامن احتجاج پہ تشدد اور ریاستی جبر کسی صورت برداشت نہیں،جمہوری طریقے سے اس ملک میں جہدوجہد کرنا وبال بن چکا،قبائل پر جبری فیصلے مسلط کیئے گئے.مولانا عبدالغفور حیدری
جمعیت علماء اسلام کے مرکزی سیکرٹری جنرل ومذھبی امور کمیٹی کے چئیرمین سینیٹر مولانا عبدالغفور حیدری نے کہا ہے کہ کے آج کے پرامن احتجاج پہ تشدد اور ریاستی جبر ہے کسی صورت برداشت نہیں کرینگے، ماہ مقدس میں پرامن شہریوں پہ لاٹھی چارج نے واضح کردیا کہ اس ملک میں بے حیائی اور فحاشی کے نام پہ جن لوگوں ایک سال کا دھرنا دیا ان لوگوں سے ایک دن کا احتجاج بھی برداشت نہیں ہو سکا ، جمہوری طریقے سے اس ملک میں جہدوجہد کرنا وبال بن چکا ہے ، قبائل کیساتھ زیادتی برداشت نہیں کرینگے۔ ان خیالات کا اظہار انہوں نے صحافیوں سے گفتگو کرتے ہوئے کیا انہوں نے کہا کہ جمہوریت کے نام پہ جبروتی نظام برداشت نہیں کرینگے ملک عبوری فیصلوں کا متحمل نہیں ہوسکتا فاٹا کا مقدمہ وہ لوگ سن رہے ہیں جس جگہ انکی کوئی نمائندگی ہی نہیں
سینیٹ کی نشستیں ختم ہونے اور قومی اسمبلی میں نشستیں کم ہونے سے ہی فاٹا کی محرومی کا اندازہ لگایا جاسکتا ہیں انہوں نے کہا کہ ہمیں فیصلے کرنے کی جلدی ہوتی ہے کسی کی بات ماننا نہیں ہوتی انہوں نے کہا مسائل کا حل بحرحال مذاکرات ہی ہیں
