دالبندین:
جمعیت علماء اسلام کے مرکزی سیکرٹری جنرل وسینیٹ کے قائم مقام چیئرمین مولانا عبدالغفور حیدری نے کہا ہے کہ دشمن ممالک پاکستان کو معاشی طور پر مضبوط ہوتا نہیں دیکھنا چاہتے اس لیے سی پیک کو ناکام بنانے کی کوششیں کی جارہی ہیں لیکن پاکستانی قوم بہادر ہے وہ کبھی ایسا نہیں ہونے دینگے ،ان خیالات کااظہارانہوں نے جمعیت علماء اسلام دالبندین کے زیر اہتمام پیغام امن کانفرنس سے خطاب کرتے ہوئے کیا کانفرنس سے صوبائی امیر مولانا فیض محمد، جنرل سیکرٹری ملک سکندر ایڈووکیٹ،حافظ حسین احمد، وفاقی وزیر پوسٹل سروسز مولانا امیر زمان، ایم این اے حاجی میر عثمان بادینی،سردار نجیب جان سنجرانی، حاجی منظور مینگل، سردار محمد داؤد خان کھرل، حافظ خلیل احمدسارنگزئی، صوبائی سالار حافظ محمد ابراہیم لہڑی، ضلعی امیر مولوی محمد عالم، جنرل سیکرٹری مولوی صالح محمد حقانی، قاری سعداللہ نوتیزئی، حافظ عبدالواحد، حاجی عبداللطیف عادل و دیگر نے بھی خطاب کیا۔مولانا عبدالغفور حیدری کا کہنا تھا کہ افغانستان کے راستے بھارتی خفیہ ایجنسی ”را” پاکستان میں گڑبڑ پھیلا رہی ہے لیکن ہم افغانستان کو امن کا پیغام دینا چاہتے ہیں کیونکہ وہ ہمارا ہمسایہ اور اسلامی برادر ملک ہے،انہوں نے کہا کہ کہ بھارت اور امریکا مل کر پاکستان کو کمزور کرنا چاہتے ہیں لیکن یہ بات واضح ہونا چاہیے کہ پاکستان ایک ایٹمی قوت ہے کہ اس پر حملہ کرنے کی کوئی بھی کوشش خطرناک ہوگی انہوں نے ایران کو بھی امن پیغام دیتے ہوئے تفتان میں طویل عرصے سے بند پاک ایران تجارتی گیٹ کھولنے کا مطالبہ کیاانہوں نے بلوچستان حکومت پر تنقید کرتے ہوئے کہا کہ صوبائی حکومت اتنی نااہل ہے کہ مختص شدہ ترقیاتی بجٹ تک استعمال نہیں کرسکتی تو اور کیا کرپائے گی ،اس قبل جے یو آئی کے مرکزی سیکرٹری جنرل مولا نا عبد الغفور حیدری ،صوبائی امیر مولا فیض محمد ،ودیگر صوبائی اور مرکزی قائدین کی دالبندین آمد پر کارکنان انکا لاگاپ کے مقام پر سینکڑوں گاڈیوں پر مشتعمل کارکنان کے ہمراہ اپنے قائدین کا استقبال کیا اور جلوس کی صورت میں انہیں جلسہ گاہ لایاگیا، جلسہ گاہ کو پولیس فورس اور سیکورٹی فورسز نے سخت سیکورٹی تعنیات فراہم کی گئی تھی بعداز ہ تمام شرکاء کو جے یو آئی کے مرکزی رہنما سردار نجیب سنجرانی نے پر تکلف ظہرانہ دیا ۔
