پشاور:
قائدجمعیت مولانا فضل الرحمن دامت برکاتہم نےجے یو آئی کی مر کزی مجلس شوری کا اہم اجلاس 23فروری اور مر کزی جنرل کونسل کا اجلا س 24 ۔25فروری کو مر کزی دفتر جامعہ مدنیہ لاہور میں طلب کر لیا ہے جے یو آئی کے مر کزی سیکر ٹری جنرل مولانا عبد الغفور حیدری کی طرف سے اراکین اجلاس کو دعوت نامہ اور ایجنڈا جاری کر دیا گیا،جے یو آئی متحدہ مجلس عمل کے پلیٹ فارم سے 5فروری کو کشمیری عوام کے ساتھ یکجہتی کادن منائے گی یہ باتیں جے یو آئی کے مر کزی ڈپٹی سیکر ٹری جنرل مولانا محمد امجد خان نے میڈیا سے گفتگو کرتے ہوئے بتا ئیں۔
انہوں نے کہاکہ کہ اجلاس میں ملکی اور بین الاقوامی صورتحال پر غورکے ساتھ ساتھ آئندہ عام انتخابات کی تیاریوں کے سلسلہ میں حکمت عملی طے کی جا ئے گی انہوں نے مزید بتا یا کہ اجلاس میںمتحدہ مجلس عمل کے پلیٹ فارم کو فعال کر نے اور رابطہ عوام مہم کے سلسلہ میں مختلف تجاویز پر فیصلے کیئے جائیں گئے۔ انہوں نے کہاکہ جمعیت کے کار کن اپنی تمام تر توجہ آئندہ عام انتخابات پر مرکوز رکھیں۔
جے یو آئی عام انتخابات میں مجلس عمل کے پلیٹ فارم سے بھر پور حصہ لے گی اور سیکولر قوتوں کا جرأت کے ساتھ مقابلہ کرے گی اور انھیں عبرت ناک شکست دے گی ۔مولانا محمد امجد خان نے کہاکہ 5فروری کو یوم یکجہتی کشمیر کے حوالے سے ملک بھر میں مختلف تقریبات منعقد کی جائیں گی انہوں نے کہاکہ کشمیری عوام کو انکا حق خودارادیت دیئے بغیر پاک بھارت تعلقات میں بہتری ممکن نہیں ہے انہوں نے کہاکہ بھارت اپنی ہٹ دھرمی چھوڑے اور کشمیری عوام کو ان کا حق دے انہوں نے کہاکہ پاکستانی قوم کشمیری عوام کے ساتھ ہے مولانا محمد امجد خان کا کہنا تھا کہ انتخابات کے التوا ء سے نیا بحران جنم لے سکتا ہے قوم انتخابات کا التوا ء قبول نہیں کرے گی التواء کی کوئی سازش ملک کو کسی نئے آئینی بحران کا شکار کر سکتی ہے انہوں نے کہاکہ ملک نازک دور سے گذر رہا ہے انہوں نے کہاکہ جے یو آئی عام انتخابات بر وقت کروانے اور موجودہ اسمبلیوںکی مدت پوری کر نے کی حامی ہے مولانا محمد امجد خان نے کہاکہ بحرانوں سے بچنے کا واحد راستہ اسلامی نظام کا نفاذ ہے اسی مقصد کے لیئے قوم کو دیندار قیادت کو ووٹ دینا ہو گا انہوں نے کہاکہ قوم کی نظریں اب دیندار قیادت پر ہیں کیونکہ وہی ملک کو بحرانوں کو سے آ زاد کراسکتی ہے انہوں نے کہاکہ جے یو آئی اسلام کے عادلانہ نظام کے نفاذ کے لیئے کوشاں ہے اور اسی مقصد کے لیئے دینی قوتوں کو ایک پلیٹ فارم پر جمع کیاہے کیونکہ لادینیت کے سیلاب روکنے کے لیئے اکٹھ وقت کی اہم ضرورت ہے ۔
