ملک اس وقت نازک موڑ پر ہے دشمنوں کی سازشوں کا مقابلہ امن واتحاد سے کیا جا سکتا ہے،پشاور اور کوئٹہ میں ہونے والے حادثات کی شدید الفاظ میں مذمت کرتے ہیں ۔ مولانا فضل الرحمان

اسلام آباد:
قائد جمعیت مولانا فضل الرحمن نے گذشتہ روز پشاور اور آج کوئٹہ میں ہونے والے حادثات پر دلی دکھ کا اظہار کیا ہے اور کہاہے کہ ایسا محسوس ہو تا ہے کہ پاکستان میں دہشتگردی کی لہر ایک بار پھر سر اٹھا رہی ہے ان حالا ت میں قوم میں اتحاد وحدت کی اشد ضرورت ہے اس حوالے پاکستان کے ہر فرد کو اپنا کردار ادا کر نا چاہیے۔
مولانا فضل الرحمن نے ان واقعات میں جاں بحق ہونے والوں کے خاندان سے دلی تعزیت کرتے ہوئے زخمیوں کی صحت یابی کی دعابھی کی ہے
مولانا کا مزید کہنا تھاکہ امن اس وقت کی اہم ضرورت ہے پاکستان جس نازک موڑ پر کھڑا ہے اس نازک موڑ پر دشمنوں کی سازشوں کا مقابلہ امن واتحاد سے کیا جا سکتا ہے انہوں نے تمام پاکستانیوں سے اپیل کی ہے کہ وہ امن کے لیئے اپنا کردار ادا کریں اور کسی ایسی سازش کو کامیاب نہ ہو نے دیں جو ہمارے ملک میں بد امنی کا ذریعہ بنے اور ملک پاکستان کی ترقی کے راستے میں رکاوٹ کا باعث بنے انہوں نے کہا کہ ملک کی ترقی واستحکام کے لیئے ہم سب کو ایک ہونا ہوگا۔
بد امنی کےخاتمہ سے ہی ملک ترقی کے راستے پر گامزن ہو سکتا ہے۔انہوںنے گذشتہ روز مصر کی مسجد میں ہونے والے سانحہ پر بھی دلی دکھ کا اظہار کیا اورکہا ہےکہ یہ ایک بر بریت کی ایک بہت بڑی علامت ہے کہ دشمن پوری دنیا میں مسلمانوں کو نشانہ بنا رہا ہے انہوں نے اس واقعہ پر مصر کی حکومت سے بھی اظہار افسوس کیا اور کہا کہ پاکستانی قوم اس واقعہ میں جاں بحق ہونے والے افراد کے خاندانوں کے غم برابر شریک ہے