2018کے الیکشن کی تیاریوں کے سلسلے میں جمعیت علماء اسلام صوبہ خیبر پختونخوا نے مضبوط حکمت عملی کے تحت میدان میں اترنے کا فیصلہ کرلیا ہے، صوبہ بھر کے اضلاع کی طرف سے امیدواروں کی سفارشات بھجنے کا سلسلہ جاری، امیدوارں سے براہ راست انٹرویو لینے کیلئے چار مختلف کمیٹیاں تشکیل ، قومی اسمبلی کی 47اور صوبائی اسمبلی کی99نشستوں کا تقابلی جائزہ ، اور 2013,2008,2002کے نتائج اور اضلاع کی سفارشات پر مشتمل رپورٹ آئندہ ماہ صوبائی مجلس عاملہ کو پیش کر دی جائیگی،
جمعیت علماء اسلام صوبہ خیبر پختونخوا کی مجلس عاملہ کا اہم اجلاس صوبائی امیر مولانا گل نصیب خان کی صدارت میں صاحبزادہ ہاؤس سخاکوٹ میں منعقد ہوا جسمیں ارکان مجلس عاملہ مفتی کفایت اللہ ، شجاع الملک، مولانا عطاء الحق درویش، مولانا رفیع اللہ قاسمی، مولانا راحت حسین، عبدالجلیل جان، حاجی اسحاق زاہد، مولانا عین الدین شاکر، مولانا عزیز احمد، اور مولانا فضل معبود نے شرکت کی اجلاس میں ملک کی موجودہ سیاسی صورتحال ، آئندہ عام انتخابات ، علماء کی ٹارگٹ کلنگ، مدارس کے خلاف اقدامات، اضلاع کی طرف سے بھیجی گئی سفارشات اور دیگر اہم امور سے متعلق غورو غوض کیا گیا، اجلاس کے فیصلوں کی تفصیلات جاری کرتے ہوئے جمعیت علماء اسلام کے صوبائی سیکرٹری اطلاعات عبدالجلیل جان نے کہا کہ اجلاس میں آئندہ عام انتخابات کیلئے مضبوط اور ٹھوس حکمت عملی کے تحت میدان میں اترنے کا فیصلہ کیا گیاہے، اور اس سلسلے میں مجلس عاملہ کے تمام ارکان کو خصوصی ٹاسک حوالہ کرتے ہوئے ہدایت جاری کی گئی کہ وہ اضلا ع میں جمعیت علماء اسلام کے امیدواروں کی کامیابی کیلئے ابھی سے حکمت عملی اور لائحہ عمل طے کرکے صوبائی جماعت کو رپورٹ دیں، اجلاس میں اضلاع کی طرف سے قومی اور صوبائی اسمبلی کے امیدوارں کی سفارشات کی روشنی میں 4مختلف کمیٹیاں تشکیل دی گئی، جنوبی اضلاع کیلئے مولانا شجا ع الملک، مولانا عطاء الحق درویش، مولانا رفیع اللہ قاسمی، ہزارہ ڈویژن کے لئے مفتی کفایت اللہ ، عبدالجلیل جان، مولانا راحت حسین، ملاکنڈ ڈویژن کیلئے حاجی محمد اسحاق زاہد، مولانا فضل معبود ، مولانا عزیز احمد، قبائل ایجنسیوں ، وسطی اضلاع کیلئے مولانا گل نصیب خان، مولاناعین الدین شاکر، عبدالوحید مروت، عبدالجلیل جان، پر مشتمل کمیٹیاں تشکیل دی گئی جو اضلاع کی طرف سے بھیجی گئی سفارشات کی روشنی میں قومی اور صوبائی اسمبلی کے امیدوارں سے انٹر ویو لیگی، اجلاس میں الیکشن سیل کمیٹی کے ارکان مولانا عطاء الحق درویش، مولانا عزیز احمد، اور مولانا فضل معبود نے اضلاع کی طرف سے ارسال کردہ امیدواروں کی سفارشات اور درخواستوں سے صوبائی مجلس عاملہ کوآگاہ کیا، انھوںنے کہا کہ 12اضلاع جن میں لکی مروت، بنوں، کرک، کوہاٹ، چارسدہ مردان، ملاکنڈ ایجنسی، دیر پائین، دیر بالا، چترال ، تور غر اور بٹ گرام کی قومی اور صوبائی اسمبلی کے امیدوارں کی مکمل لسٹ اور سفارشات صوبائی کمیٹی کے حوالی کردی ہے، جبکہ باقی اضلاع سے درخواستوں اور سفارشات کی وصولی کا سلسلہ جاری ہے، اجلاس میں قومی اسمبلی کی 47اور صوبائی اسمبلی کی 99نشستوں کا جائزہ لینے کیلئے قائم کردہ کمیٹی کے ارکان مولانا مفتی کفایت اللہ اور عبدالجلیل جان نے کمیٹی کی تیار کردہ رپورٹ پیش کی جسمیں 3انتخابات کے قومی وصوبائی اسمبلی کے مکمل نتائج 2013,2008, 2002میں پارٹی پوزیشن اضلاع کی سیاسی صورتحال کا جائزہ رپورٹ شامل ہے، اجلاس میں فیصلہ کیا گیا کہ صوبائی کمیٹی ڈویژنل سطح پر تمام اضلاع کا دورہ کریگی اور ضلع میں انتخابی نتائج ، امیدوارں کی کامیابی اور دیگر سیاسی ،مذہبی جماعتوں سے اتحاد کے حوالہ سے رپورٹ مرتب کرکے عیدالاضحی کے بعد صوبائی مجلس کو پیش کریگی، اجلاس میں ڈیرہ اسماعیل خان میں شیخ الحدیث مولانا عطاء اللہ شاہ ؒ اور چارسدہ کے مولانا حق نوازؒ کے وحشیانہ اور بہیمانہ قتل پر تشویش کا اظہار کرتے ہوئے شہداء کو انکی علمی اور سیاسی خدمات پر عقیدت پیش کی گئ اور پسماندگان سے دلی ہمدردی کا اظہار کرتے ہوئے فاتحہ خوانی کی گی، ایک قرارداد میں مولانا عطاء اللہ شاہ، اور مولانا حق نواز کی شہادت کو ایک سانحہ قرار دیتے ہوئے اس واقعہ کو حکومت اور مقامی انتظامیہ کی غفلت کا نتیجہ قرار دیا، اجلاس میں علماء کی ٹارگٹ کلنگ کے واقعات کو صوبائی حکومت کے ماتھے پر بد نماداغ قرار دیا اور حکومت سے مطالبہ کیا گیا کہ عوام کے جان ومال کے تحفظ کیلئے فوری اور ٹھوس اقدامات کئے جائیں۔
امریکی اراکین پارلیمنٹ پاکستان کے معاملات میں مداخلت سے گریز کریں ، جس عمران خان کو امریکی لابی تحفظ دینے کے لیے پگھل رہی ہے، اسی مجرم کو ہماری عدالتیں کیوں تحفظ فراہم کر رہی ہیں، اپنے لاڈلے کے لیے عدالتیں آئین اور قانون سے کھلواڑ کر رہی ہیں، اسے رعایت دینے کے لیے نہ کوئی آئین کا احترام ہے اور نہ قانون کا احترام ہے،عمران خان کو ریلیف دینے کے حوالے سے صورتحال برقرار رہی تو اس کا مطلب ہوگا کہ عدالتیں قوم کے ساتھ اعلان جنگ کر رہی ہیں۔مولانا فضل الرحمان
اسلام آباد: عوامی نیشنل پارٹی کے زیر اہتمام آل پارٹیز کانفرنس سے قائد جمعیت مولانا فضل الرحمٰن مدظلہ کا خطاب
ڈی آئی خان: عدالت نے خود جبر کا فیصلہ کیا،اب ہم سے راستہ مانگ رہی ہے،ہم کیوں راستہ دیں۔ اپنا فیصلہ خود واپس لیںایک شخص کی محبت میں آپ انتہائی معزز کرسی پر بیٹھ کر ہماری سیاست کی توہین کررہے ہیں۔ہم عمران خان کو اس قابل نہیں سمجھتے کہاس سے بات کریں۔جو شناختی کارڈ آپ کے پاس ہےوہی ہمارے پاس بھی ہے،ہم انصاف کو تسلیم کریں گے ہتھوڑے کو نہیں۔اورہتھوڑاچلانے کی اجازت نہیں دیں گے قائدجمعیۃ مولانا فضل الرحمٰن کا پریس کانفرنس میں ججز کو دو ٹوک پیغام
ادارے اس بات کا نوٹس لے کہ ریٹائرڈ جنرل فیض حمید اور ریٹائرڈ چیف جسٹس ثاقب نثار اس وقت بھی عمران خان کے لیے لابنگ کر رہے ہیں۔مولانا فضل الرحمان
آئی خان: سابق صوبائی وزیر سمیع اللہ علیزئی کی جےیوآئی میں شمولیت
