تحصیل جمرود کے علاقہ علی مسجد میں جمعیت علماء اسلام کی صد سالہ اجتماع کے حوالے سے تربیتی ورکرز کنونشن

جمعیت علماء اسلام تحصیل جمرود کے علاقہ علی مسجد میں جمعیت علماء اسلام کی صد سالہ اجتماع کے حوالے سے تربیتی ورکرز کنونشن منعقد ھواجسمیں مہمان خصوصی جے یو آئی فاٹا کےامیر مفتی عبدالشکور ،اور جنرل سیکر ٹری مفتی اعجاز شینواری تھے، تقریب میں مولاناغفران اللہ خیبری مولانانوشاد مولاناعبدالقیوم چترالی، مولانہ سعید خان۔مولانادلاور ،سرورخان کے علاوہ کثیر تعداد میں لوگوں نے شرکت کی ۔۔ مقررین سے خطاب کرتے ہوئے مفتی اعجاز شینواری نے کہا کہ جے یو آئی اس ملک کی واحد سیاسی پارٹی ہے جسکی تاریخ سو سال پرمحیط ہے لیکن کوئی بھی فرد یا پارٹی یہ ثابت نہیں کر سکتی کہ تاریخ میں جے یو آئی کے ایک بھی فرد نے کرپشن کی ہو ۔چونکہ جے یو آئی روز اول سے کرپشن کے خلاف ہے اسلئےکرپٹ اوردونمبرلوگ جےیوائ کےخلاف پروپیگنڈہ مھم چلاتےھیں۔ تقریب سے خطاب کرتے ہوئے مہمان خصوصی مفتی عبدالشکور نے کہا کہ جے یو آئی ایک فرقہ کا نام نہیں بلکہ تمام دینی جماعتوں کی نمائئدہ جماعت ہے۔اسلام امن کا پیغام دیتا ہے اور اس ملک میں اور اسکے زیر نظام رہنے والے تمام غیرمسلم لوگوں کے جان و مال اور عزت کی حفاظت کرنا ہم سب کی ذمہ داری ہے۔ انہوں نے کہا کہ 7,8,9 مارچ کو جے یو آئی ایک تاریخ ساز اجتماع منعقد کرنےجارہی ہے.